Mob : Pancuri Salak.......

Pace Manado 3 orang dong pancuri salak, trus pace yang punya ladang ambil kertas
trus di tulis " BIAR KITA NYADA LIAT PANGANA TAPI TUHAN, LIAT PANGANA....!!!

suatu malam pace 3 ini don datang pancuri lagi, pass dong ambil salak smua dong kaget
tulisan,
trus tulis di blakang kertas " BIAR TUHAN LIAT PAKITA, TUHAN NYADA AKAN KASI
TAU PANGANA.

he...he...he...heh

Mob : Kasi Lebah Yang Gigit

Semut gigit Tete Pung "barang" bengkak jadi Nene bilang ,
"Tete dari tong 2 kawin sampe dapat cucu-cucu
ini baru saya rasa ko pung " barang " besar sampe sy senang o..o..Ko bungkus ka ?"
tete bilang :" bungkus apa, tadi saya cabut-cabut rumput di kebun baru semut gigit jadi bengkak ......"
nene senyum baru bisik tete pu telinga : " Lain kali kalo mo main ko kasih lebah yang gigit...e...!!"


ha....ha....hah...ah

MOB..Anak Asmat

Pak guru Ambon di Asmat lagi mengajar tentang TATA SURYA dan ketika penjelasan
sampai di matahari .....ada anak Asmat tanya dia.......
Anak Asmat : " kenapa matahari dibuat satu saja, coba di buat tiga ka...supaya kita tdak perlu dapat malam too....!!"
Bapak Guru : "Tuang alla matahari baru 1 saja ale su hitam bagitu, kalau 3 beta su seng tau lae....."

Hahahaa................

Mob : Cucu Sarjana..!

tete sama de pu cucu, cucu ni su sarjana jadi de ada pulang kampung cari ikan sama tete,
begini cucu de tanya " tete ko tahu biologi ?"
tete geleng2 kepala.
" baru sosiologi ? "
tete geleng2 kepala lagi.
" baru antropologi ?"
tete geleng kepala lagi tapi tete su ganas dalam hati.
sampae di tenga laut, tete tanya " baru cucu ko tahu pelajaran berenanglogi ? " cucu bilang tra tahu
tete tanya lagi " kalau tenggelamologi ?"
cucu geleng kepala tete bilang " Yo kalo ko tra tahu pelajaran berenanglogi, nanti ko tenggelamologi trus ko matimologi ......!!!!!"

ha...ha...ha...ha....!!!

Mob : Surga dan Neraka...

pace Ekari 1 de mati, jadi malaikat bawa dia menghadap Tuhan....baru trus Tuhan suruh bawa ke tengah-tengah antara surga dan neraka untuk penempatan. baru pace tanya Tuhan saya pu tempat dimana...? Tuhan tunjuk neraka....pace ko langsung berlutut di kaki Tuhan baru de bilang : Terima kasih Tuhan...di Enaro dingin jadi..!

ha...ha...ha...!

Mob : Hujan jd....sy tra bisa

ada Mace satu ni de ikut pelatihan guru bahasa indoneisa di Hotel Serayu sampai sore.
30 menit terakhir mace ko sms de pu suami untuk jemput karena lagi hujan....de pu sms : " Pa jmput ma2 dulu.."
trus de pu suami balas : " sayang demi cinta ku padamu laut kan ku sebrangi.....
gunung kan kudaki, tapi hujan-hujan begini.....! sayang ko naik ojek sudah...e !......tes.s.s.......to !

Mob ; Ku serahkan Tangan ku........!

Ada pace Napi satu de pi balobe ikan, pace dia ada bawa dopis.....jadi sampai di laut begini
de ada lihat ikan banyak...jadi pace de bakar dopis baru buang tetapi karena terlambat buang dopis meledak...
langsung pace pu tangan putus jadi pace duduk di perahu dan berdoa begini. : " ya Tuhan kedalam tanganmu , kuserahkan tanganku......! amen......!!

ha....ha....ha......!