Mob : Babi yang makan to...

Ada Pace satu nih de dari kampung pi jalan-jalan di kota....karna lapar pace ko masuk makan di warung, karena talalu enak , de kunyah makanan dengan rakus kaya babi (sorry ). jadi yang punya warung bilang " pace ko kenapa,... makan kaya babi saja !!"
Tapi pace ko diam saja dan habis makan dia langsung bergerak keluar warung.. ..

trus yang punya warung bilang " pace ko belum bayar makan ?

trus pace de bilang sama mas ..." kapan ko lihat babi habis makan bayar ? "

Mas :......!!!%#$@*

ha....ha,....ha...ha..

Mob : Almarhum,Almarhumah....dan Al....

Pada suatu hari Obed de penasaran dengan kata " Almarhum ", jadi de tanya de pu bapa.

Obed : " Bapa Kalau Almarhum itu sperti apa "?
Bapa : " Oh...Itu seperti Bapa tong ini, ko pu Bapade dong, trus ko pu tete dong itu...kalau tong mati, itu yang dong sebut Almarhum.....

Obed : " Trus Kalau almarhumah ?
Bapa : " kalau alamarhumah itu sebaliknya, kayak ko pu mama, ko pu tanta, atau ko pu nene dong itu.....kalau dong mati, itu yang dong sebut Almarhumah......

tapi obed masih penasaran

Obed : " Bah....baru Bapa trus kalau macam kitong anka-anak ini kalau mati ...dong sebut apa..."?

Bapa : tara tau eee mungkin" AL.....Munium" ka ?

ha...ha....ha...ha....!!