Mob : ..Doa Belanda

Ada nyong onggo di Holland 1 minggu vor lia di pu oma.

pas oma mo meninggal oma minta nanti onggo yang berdoa dalam bahasa belanda vor oma.....

onggo bingung dia seng tau bahasa belanda...
onggo sikat saja,...kata : " end de gali, end de skop, end de kubur, end de tanang, end de cacing vermak-vermak vor yei dalang tanah...amin."

Mob :..KOTAK HITAM

Ada perempuan tiga ( India, Jepang dan Afrika ) dong naek pesawat terus pas di tengah perjalanan begini pesawat ada kerusakan trus su mo jatuh...sudah...

jadi perempuan India dia su ba make-up cantik-cantik sekali, trus dia pu teman...kenapa ko ba make-up ?, dia bilang : " biasa kalo pesawat jatuh itu...dong tolong yang pertama itu yang cantik-cantik,.....

acchhh...Mace jepang dia tra terima jadi dia lipat dia pu rok sampe pendek sekali....trus dong dua tanya kenapa ko angkat rok sampe pendek ? dia jawab : " biasa kalo pesawat jatuh itu... dong pertama tolong itu yang paha putih-putih....

Aecch......mace afrika dia su emosi sekali...ee..
dia buka baju telanjang buuulaat, dong dua kaget tara bae...trus dong dua tanya : " kenapa ko telanjang bulaat?....... mace jawab : " biasa pesawat jatuh itu yang dong cari pertama " KOTAK HITAM "......ini ....

Mob :...Tes to ...Meledak Sampe..!!!

Pace satu ni...dia piara babi, tiap hari pace kasi makan babi nasi,
karena krisis moneter alias Krismon jadi beras mahal. Pace suruh de pu anak laki-laki masak kasbi untuk kasi makan babi.

Sekarang mo kasi makan... begini babi tra mau makan, jadi anak ko lapor de pu bapa,.....langsung pace kasi suara sama de pu anak :

" Ko..Pi Lihat Bapa Pu Parang Panjang Di Dapur.....cepat !!!

begini babi dengar baru de bilang :" Iyo...plan to...tong tau kasbi masih panas, ...sebentar baru sa makan...".

Pace bilang : " Teesst... too....meledak sampe ........he...he...he...

Mob :...Mister Tabrak Babi di Netar ( sentani )

Ada Pace mister barat satu dia dari sentani mo pigi ke jayapura..pas lewat di daerah Netar.......begini mister ko kaget ada babi lewat....trus ko trada slak untuk mo injak rem dan babi ( inang =betina ) ko kena di mister pu bemper depan....tra lama begini mister ko turun dari mobil....tiba-tiba masyarakat dong su kumpul...trus dong bilang......

masyarakat : " Tra bisa mister ko harus ganti rugi ( denda ) babi 1 ekor..!

Mister : (baca pakai dialek orang barat ) " eend.....jadi saya harus ganti kamu punya babi...

masyarakat : " Iya...di dalam adat ko harus ganti sesuai dengan banyaknya mata susu yang ada pada babi itu, satu mata susu 1 jt.

Mister : ( baca dengan dialek barat )What the fuck is this ?...........kenapa saya harus bayar banyak begitu.?..................ennnn,.....coba ka.m.u... hitung berapa itu dia punya mata susu...?

masyarakat : " ada 12 belas mata susu mister......?

Mister : ( baca dengan dialek orang barat ) " Ohh....no....
( trus de pikir ) trus de bilang....!!

Mister : ( baca dengan dialek barat )" Sekarang saya mau tanya...apa ini jalan babi ? Ok..........kalau ini jalan babi saya ganti kamu punya babi.....and Kalau ini jalan manusia ....Kalau begitu kamu yang ganti saya punya bemper mobil yang peot.... !!!! ennn bagaimana..?

Masyarakat : .......mbewu,.........

ha...ha...ha...ha....1