TUNGGU APA LAGI...AYO..BURUAN.....!!!

Kamis, 28 Mei 2009

Mob...: Bayi Noge Masuk Surga

Ada 1 bayi noge ( sebutan orang paniai untuk pria ) meninggal dunia, trus dia naik ke sorga lalu Tuhan kasi dia sayap.....kemudian....

bayi Noge Bilang : " jadi Tuhan saya su jadi malekat.. ni ka ? "
Tuhan Bilang : " Ji..Noge .e....Please..dech..!!!!, ko jadi Kelelawar saja...ha...ha...ha.. !!

Sabtu, 23 Mei 2009

Mob....: Pace dan Mace mo cerai

Pace deng Mace ini dong bakalae rame, ...habis pace tra pulang dari malam sampai pagi baru masih ada mabok sedikit lagi....

mace : " pokoknya sa minta cerai....cerai....!!!"
pace : " Okai...ciips tong cerai...anak-anak pasti ikut saya...!!!"
mace : " sapa takut....Epen..ka

dong bawa dong pu anak tiga, tralama begini dong pi urusan di polisi..polisi tanya

Polisi : " jadi ini masalah bagaimana ?"
mace : " pak polisi pokoknya saya minta cerai....titik...!!!"
polisi : " oke....masalah akan kami proses trus Bapa bagaimana "
Pace : " Oke...pak saya juga cerai..?"
Polisi : " maaf...Ibu deng Bapa...apa masalah ini tidak bisa di selesaikan secara keluarga..ka ?
Pace: " adoh...pak polisi langsung saja urus" ( pace yakin nanti anak ikut dia )
Polisi: " oke..baaik...trus anak-anak 3 ini bagaimana ? "
Pace : " pak polisi ko tanya saja, dong mau ikut siapa....mama ka bapa. ?"

pak polisi tanya ke anak yang tua

Polisi: Ade Novi pilih Mama ka Bapa....?
Novi : " ..........saya...ikut...mama saja.. "

(wah dalam hati pace bilang pasti anak nomor dua deng yang ketiga ini pilih ikut pace dia )

Polisi : " ade Maria ko pilih Mama ka Bapa..?"
Maria : " saya ikut mama saja "

( wah ...dalam hati pasti yang kecil ini pilih pace...karena pace biasa manja dia )

Polisi : " ade stephen, ade ko mau ikut Mama ka Bapa..?"
Stephen : ( ephen nih..dia su mo jalan ke dia pu bapa,,,,tapi karena dia lihat dia pun kaka dua di samping mama...kode dia kesana jadi langsung belok ke sana, lantas bilang ) ..." saya juga ikut mama saja "

pas mace dia pu mabok su mo hilang2 jadi pace de rasa kecewa and sedih sendiri, trus....

polisi : " ya...bapa Obed anak-anak smua su tentukan pilihan...jadi bapa pilih bagaimana...?"

( pace de angkat muka pelan trus dia lihat anak ke-3, ke-2, dan yang pertama trus pace lihat dia pu maitua langsung......pace jawab...

pace : " IKUT.... MAMA ......JUGA ...!!" ( sambil pace dia hambur menangis polo mace )

ha....ha...ha...ha...!!!

Mob...: Pace dua dari Kampung

Ada pace 2 , dong dari kampung trus lagi jalan-jalan di kota......
pas dong dua lewat di depan tempat photo copy,.....trus pace yang satu de balik lihat tulisan " photo copy " trus dia baca

Pace 1 : " photo copy " ( huruf C tetap di baca C )

Pace 2 : " ah....teman bukan baca begitu, baca begini ; photo copy " ( huruf C dibaca K )

Pace 1 : " oh..begitu ka....berarti kalau cicak nanti tong baca ...KIKAK,...

Pace 2: ......#@*!!????

ha....ha...ha...h..!!!

Mob....: Pace Mabok VS Mbak

Pace satu dia mabok setengah berat, trus dia jalan menuju ke warung.....
sampai di depan warung dia tanya sama..mbak......

pace mabok : " mbak ada ayam ..ka ?
mbak : " ada mas..."
pace mabok :" ada sapi..ka ?
mbak :" ada mas...mari mas...!
pace mabok : " kalau kambing...?
mbak : " ada mas ..mari ..silakan masuk...mas....!!
pace mabok : " eehh....bebek ada..ka ?
mbak : " iya...mas ada...monggo mas..

langsung pace bilang sama mbak

pace mabok : " kalau begitu suruh dong smua kluar, sa mo masuk makan
mbak : " ........? ( bingung )

ha....ha...ha...h.....!!!

Mob....: Minuman Ala Kedaerahan

Ini ada 4 orang masuk ke warung dan langsung memesan minuman menurut ala daerah masing........

pace makassar langung pesan : " Krating..daeng - nya 1 botol, mbak...!"

tramau kalah Pace buton ko pesan :" La..segar - nya 1 botol, mbak..!

pace manado ko juga langsung bilang : " Extra..jo..1 ..for pakita..no..!
pace ambon di su trada slak mo pesan apa,

jadi pace langsung bilang : " beta..dine....1...!!!

ha...ha....haa....!!!

Mob....: Tete Lupa Getah Nangka

ada tete satu dia lagi duduk potong/belah-belah nangka di para-para. trus dia panggil, dia pun cucu deng cucu pu teman-teman untuk datang makan nangka....

waktu dong makan begini cucu lihat tete pun.... biji 1....ada keluar dari tete pu celana....jadi trus cucu kode-kode tete untuk kasi masuk,...

tete langsung gerakan kasi masuk.......tapi ternyata tete lupa de pun tangan ada pono deng getah nangka...jadi waktu tete su kasi maso trus mo tarik tangan keluar......begini......yang keluar satu rangke ( tete pu smua perangkat keras ) gara2 ta lem deng getah nangka tadi.......
ha...ha...ha...ha..!

Mob....: Nenek VS Sopir Taxi

ada nene 1 baru turun dari taxi kota di porasko depan Bank Indonesia, trus mo menyebrang ke BI di sebelah....tiba2 dari arah dok sana ada taxi satu full music trus laju kencang dengan anak sekolah ....
pas mo dekat zebra cross ...begini sopir de kaget nenek ada menyeberang tapi nenek ko bikin jalan lamban....
trus sopir ko kaget ko banting stir ke kanan ( chiiit....brak)....
kena median jalan....trus banting stir ke kiri lagi ( chiiiiit..bruk )
dan rem mobil ko naik diatas pembatas antrian taksi di depan halte porasko...

kemudian sopir ko turun dari taxi lalu marah nenek begini.....
" eh..nene...ko ini tra liat ada mobil ka.....dasar tua bangka..bodok..nih "

nenek jawab santai : " ko itu yang bodok...masa su dekat baru tabrak salah lagi.....ko pu bodok itu yang ko jadi sopir......?
ha...ha...ha...!

Mob...: Eksekutif

ini ada napi2 dong di biak rapat untuk pembentukan panitia eksekutif papua merdeka, trus sampe tengah-tengah rapat begini pace ophiaref satu dia tanya dia pu teman
" napi eksekutif itu artinya apa ?
teman de jawab " oh....eks itu artinya bekas/mantan trus kutif itu artinya kaskado...to, jadi ekssekutif itu artinya bekas kaskado........!!"
ha....hah.....ha

kutif=Kaskado ( bahasa biak ) atau penyakit kulit

Mob....: Tete Gaul

ada tete 1 dia tinggal tidak terlalu lama juga di kota kira2 sebulan, jadi pada waktu dia pulang ke kampung...dia sombong skali bicara pake bahasa2 tinggi ka..ini ! sampe dia pu teman-teman jadi segan kalau bicara deng paitua dia.
kemudian dia suruh dia pu cucu naik kelapa di samping dong pu rumah,
setelah cucu diatas cucu bilang : " tete..hitung..e..!"
tete bilang : " yombex ....ko potong sudah.."
kelapa jatuh.......buk...!
tete hitung : one.....
kelapa jatuh......buk...!
tete hitung : two....
kelapa jatuh.....buk...!
tete hitung : three....
kelapa jatuh satu oki ( rangke ) ...brak...!
tete kaget, bingung ....langsung
tete hitung : ...puk..pak......!!!!
ha...ha....ha...!!!

Mob...: Pendeta VS Kuntilanak

Bapak pendeta 1 dia baru pulang dari kebaktian malam-malam
kemudian dia lewat jalan kebun pisang,
tiba-tiba de dapat kase kaget dengan kuntilanak....hi..hi...hi..hi....!!!!
langsung bapa pdt bilang " darah yesus hancurkan,..!!"
trus kuntilanak de bilang : " ach...balapor sampe....pdt baru mulut ember skali.....!!!
ha...ha...ha....!!!

Mob...: Nenek dan Mbak

ada nenek 1 dari kampung datang jualan kelapa tua di Pasar Hamadi, kemudian datang seorang pembeli hendak menawar.....

Mbak : " Nenek Kelapa yang ini berapakah ? "
Nenek: " Kelapa yang ini Rp.3000 "
Mbak : " Kalau yang itu berapa ? "
Nenek : " yang itu Rp. 4000, trus yang besar itu Rp. 5000
Mbak : " ach....nenek kelapa ini mahal sampe...baru kecil-kecil lagi..!!"
Nenek: " ehh....ko bilang kecil, ..coba ko telan sudah,.....( sambil menyodorkan kelapa ke mbak )
mbak : ?..@..#..!
ha....ha....ha.....!

Jumat, 22 Mei 2009

mob....: Tete pun Bolpen

Tete 1 dia panjat kelapa, tapi celana yang pakai itu longgar baru dia tra pakai kolor lagi...!

jadi nene di bawah pohon bilang : " ..bee..e tete bolpen tuh...."
tete kaget jadi tete bilang : " ah...nene bikin kaget saja,...tralama sa turun coret-coret nene ko dengan bolpen nanti ..e.."
trus nene bilang : " siapa takut,...tinta su kering saja...mo.!!" ha...ha..ha..

mob....: Cowok dan Cewek

ada pace deng mace dong 2 pacaran,
trus pace dia pegang mace pu paha...
langsung mace bilang : " pace ingat Amsal 14 :.......
pace langsung stop.........5 menit kemudian pace ko mulai lagi deng pace pu aksi sampai su mo dekat daerah terlarang (sensitiv)....
dan mace ko bilang lagi :"pace ingat Amsal 14:.....
akhirnya pace pu aksi tra jadi di laksanakan....trus pace pulang penasaran sampai di rumah pace buka Amsal 14 :......ternyata bunyinya: Teruskan jalanmu sudah benar......!?#@* ha...ha...ha

Mob....: Jhonson 25 pk ( Jhonson = motor tempel )

ada tete 1 dia intip nene mandi di kali,
sementara intip nene ko liat tete, nene marah trus dia bilang
" woi..tete ko intip sa mandi to....!! "
karena tete gugup jadi dia jawab : ....Ah...trada sa cari sa pu kolor ( celdam ) yang tadi hanyut ke atas....!
nene bilang : " memangnya ko pu kolor itu jhonson 25 pk, sampe bisa lawan arus.....!! ...ha...ha..ha

Membangkitkan Yang Sudah Mati

Teta dan Nene nonton TV acaranya " Dukun Sang Penyembuh "
dukun meminta semua orang yang ingin sembuh untuk meletakan tangan kanan di layar TV dan tangan kiri di bagian yang ingin disembuhkan

nene pun bangkit dari tempat duduk melakukan apa yang dikatakan dukun.....

tete juga tramau ketinggalan tete dia menuju ke televisi dan meletakan tangan kanan di layar TV dan tangan kiri di depan celana ( dia pu alat )

lalu nene bilang tete : "tujuan dari acara ini untuk menyembuhkan yang sakit....bukan membangkitkan yang sudah mati . ( tete ko balik kanan langsung masuk tidur ) .....ha...ha ...ha

Mob....:Bikin Susah For Ale

Ada Nap 1 de kawen deng haji pu anak, haji terima dengan syarat Nap ko masuk islam trus pi naik haji....waktu balik begini perempaun dia meninggal,....Nap ko menangis baru bicara....astafirllah..allaszim ya ilahailaulah....... ina insose.... rasinema au siaf wabur aya.... yabe bikin susah for ale....!!

Tete Ganas Nene

Nene 1 dia stand/stel ( gaya ) rapi
lalu tete tanya :" Nene Ko mo ke... ? "
Nene Jawab : " ye....kapal putih masuk jadi sa mo ke pelabuhan to... "
begini tete bilang : " le.. baik ko tra usah pergi....!!!"
Trus nene bilang sama tete : " ji....EPEN..KA...!! "
karna tete dia talalu ganas/marah, dia langsung balas ke nene : " yo..tunggu..e sebentar kapal putih masuk, nanti sa pukul ko pu.. EPEN..itu kasi mati....!!"

Mob.....: Doa Bapa Kami Logat Manado

Torang pe papa dalam sorga,
mulia jo ngana pe nama,
kamari jo pangana pe kerajaan,
jadi dang ngana mau di torang pe tampa,
sama deng di ngana pe tampa tinggal,
ampunilah jo pa torang pe salah,
sama deng torang so ampuni,
torang pe tamang pe salah,
kong jang kase masok torang dalam cobaan,
karena torang so biasa masok sandiri no,
amen.

Tertabrak Bis

Ada anak kecil 1, dia nih..tukang ganggu dia pun tanta, karena tantanya pun badan besar sekali,,....

satu kali dia pun tanta ada jalan di seberang jalan trus anak ini ada di seberang jalan, trus dia ganggu begini " Bis besar lewat...Bis besar lewat..."

tralama begini dia pu tanta ganas dan menyebrang dapat dia....trus pukul dia sampai badan badarah trus tanta bilang " skarang ko pulang kalo ko pun bapa deng mama tanya, ko bilang tadi Bis besar lewat trus tabrak ko.
.....ha..ha...ha

Kamis, 21 Mei 2009

Nenek alumni STM

pada suatu hari ni cucu 1 dia mo nonton TV tapi waktu dia stel televisi begini yang keluar semua nih gambar ( siaran) blue film (porno)....dari chanel 1 sampai 12 jadi dia kaget....trus dia ganti yang lain juga tara bisa hilang,
jadi dia panggil dia pu nene....soalnya dulu nenek tamatan STM jurusan elektronik, jadi sudah nene ko datang mulai stel-stel TV dari depan sampai di kabel-kabel di belakang.....trus nenek bilang " cucu ko kemari dulu, kayaknya ini kabel2 smua su tapasang deng baik" .....trus nene jalan keluar cek parabola...trus nene dia batariak dia pu cucu " cucu ko kemari putar parabola dulu, kayaknya ini parabola yang salah, soalnya parabola ni di menghadap ke sentani kiri " ( tempat prostitusi ).